Bildor aus Frangreisch

Im Herbst Dswehduasndunviere bin isch midd en baar Freindn nach Siedfrangreisch gefahrn. Unser Dsiehl war Mirabel am Dahl dr Ardeche. Dordn habsch viehle Fodos gemacht.
Un im Sommr Dswehduasndunseggse warn mor nochemol doh.
Mirabel is ä glahnes aldes Dorf ohm uffn Rand vum Ardeschdahl unnerhalb ahner Burschruhine. De Häuser beschdehn alle aus Basaldbroggn.
De Infrastruggdur beschdeht aus ähner Gersch, ner Delefondselle und ähm Brihfgasdn.
Im Herbsd, Windor un Friehgar is Mirabel fasd unbewuhnd. Im Sommr aber gommd de Duhrisdnmassn.
mirabel1
mirabel2
mirabel3
mirabel4
Dr Burschfelsn vun Mirabel Bligg nunner in Dahl Äh Bligg vun dr Darasse Mirabel vum Burschfelsn gesehn
mirabel5
mirabel6
mirabel7
Dr Burschfelsn vun undn Ä Bligg übers Dahl S Dahl dr Ardesch
 
Mir hamm viehle Ausfliech gemachd. Dafier brauch mr sehr viehl Dseid. Mr fährd 30km, gommd abor bluhs 3km vorwärds. Mr muss nähmlisch immer an de Dahlwand langfahrn un dswar jedes Seidndahl lang.
Ahner had uns zen Mont Gerbier de Jonc gefiehrd.
Ahguggn gann mr sisch das dadehierd.  
Ä Anrer Ausfluch wahr ins Dahl dr Ardesch. Dord hammer uns de Pont dŽArc angeguggd, was de Dihr dadehierd ahguggn kahnsd un sinn am Dahl dr Ardesch langgefahrn.  
E Annermohl warn mr in Vogüe. Des is e Dorf im Ardeschdahl.
vogue01
vogue02
vogue03
vogue04
vogue05
S Dahl flußuffwährds De Ruihne vun ähnr Flussmiehl. Uff de Uhfrstrohs geguggd. Flußabwärds geguggd S Schloss von Vogüeh
 
In Alba la Romaine hamm mir dann noch de Ihborresde ahner rehmschn Schdad angeguggsd. Dord wuh friehor de Grundmaurn wahrn, hammse bunde Schdehne hingeschidd. Dadursch gann mr sähr schieh sah, wieh friehor die Schdad ausgesah hod.
amphi01
amphi02
amphi03
amphi04
De Ruihn vun ähn remischn Amfiedeahdr Ähe Bligg vun vun dr Biehne Grundmaurn ännr rehmschn Schdad Ä anner Deil dr Schdad.
 
Sähr indressand wahr och des Eisnbahnviehaduggd uff den nägsdn Bildeorn.
Dos is in dr Näh vun Le Monastier-sur-Gazeille un hehsd Viaduc de la Recoumène.
S lieschd in ehnr Höh vun neinhunrdseggsnferdsch Medrn un is gebaud worn vun Neindshunrdehndswansch bis fühnfndswansch unner dr Leidung vun Paul Séjourne ahls Deil dr Eisnbohnstregg vun Saint-Etienne nach Le Puy en Velay mid nr Lähng vun neinachdsch Gihlomedrn. De Schdregg ham se Achdshunrdseggsnseschds ahgefanng. Se ham dswelf Briggn un finffndreissch Dunnl gebaud um dann Neindshunrdehnverdsch dehn Bau eindseschdelln.
Des hehsd uff dr Schdregg is nieh äh Zuch gefahrn.
brigg01
brigg02
brigg03
S Viehaduggd vun undn Ä Bligg vun ahner Seid zur annern Vum Viehaduggd ins Dahl geguggt.


Suh sahn frandsössche Efn aus.Dehr hadd Rädeln un is bluhs 30 cm digg bei 50cm Breide un 60cm Heh.
uhfn

zerigg